Маршот против сиромаштија предизвика интерес и кај активистите во другите земји

Маршот против сиромаштија предизвика интерес и кај активистите во другите земји. 
Веста за него, освен на англиски, http://bit.ly/1hx0uGd, Глобал војсис ја пренесе и на други јазици. До сега се објавени на шпански (http://bit.ly/1hIQIB5)  на малагшки (http://bit.ly/1f1dgbR, јазикот на островот Мадагаскар, има 20 милиони говорители), Италјански (https://it.globalvoicesonline.org/2014/03/macedonia-decine-di-poliziotti-guardano-i-centinaia-in-marcia-contro-la-poverta/, јазикот бангла има 210 милиони говорители низ целиот свет http://bn.globalvoicesonline.org/2014/03/09/42148/ , и на свахили, јазикот на Западна Африка http://sw.globalvoicesonline.org/2014/03/polisi-wawatazama-raia-wakiandamana-nchini-macedonia/

 

Реакција на прес-конференцијата на Сашо Лазаровски, одржана на 28.02.2014

Од: Македонската платформа против сиромаштија

Дата: 28.02.2014

Предмет: Реакција на прес-конференцијата на Сашо Лазаровски, одржана на 28.02.2014

 

Почитувани,

Ве информираме дека онаа организација која во вашата прес конференција е именувана како „таканаречената невладина организација „Македонска платформа против сиромаштијата““ е непрофитна, непартиска и невладина организација основана во 2010 година, како Сојуз на повеќе од 80 здруженија на граѓани. Од тогаш во континуитет се негува конструктивна соработка со Министерството за труд и социјална политика и се дава придонес во работата на Владата и Парламентот на Република Македонија, во делот на социјалната политика.

Македонската платформа против сиромаштија (МППС) е формирана со поддршка на Австриската соработка за развој и Институтот за човекови права – Лудвиг Болцман, двете вклучени во паралална изградба на капацитетите на здруженијата на граѓани и Министерството за труд и социјална политика. МППС е член и на Европската мрежа против сиромаштија, високо номинирана мрежа од европски ранг и директно поддржана од Европската комисија. Директната контрола на овие европски институции ни дава легитимитет да работиме без да подлегнуваме на партиски притисоци од било која страна.

Маршот против сиромаштија најавен за во 11.55, на 1 март 2014 година, е во координација со агендата на Европската платформа и е дел од серијата маршови против сиромаштија, кои во сите демократски европски држави се земаат како начин за изразување на барањата на граѓаните, а не како закана.

Во прилог е објавата за утрешниот настан на веб страната на ЕАПН

И објавата за настанот на МППС

 

Изјавил

Сашко Јованов

                                                                                      Генерален секретар

Македонска платформа против сиромаштија

Следете не на Твитер

Ако сте на Твитер, следете го официјалниот акаунт на протестот. Преку него ќе ги објавуваме информациите и во текот на самиот ден.

https://twitter.com/petdo12

Учествувај, поддржи, сподели! #5до12

Демант на веста „СДСМ повторно со сценарио за протести“

Од:Македонска платформа против сиромаштија

До: Сите печатени и електронски медиуми

Предемт: Демант на веста „СДСМ повторно со сценарио за протести“

Почитувани,

 

Ги демантираме информациите со наслов „СДСМ повторно со сценарио за протести“, објавени во медиумите Нет Прес, Сител и Канал 5, каде е наведено дека се планира „протест кој треба да се одржи наводно како собир на социјално незадоволни граѓани“.

Во интерес на објективно и вистинито новинарско известување на јавноста, согласно новинарските стандарди и принципи, ве известуваме дека на 1 март 2014 година (сабота) во 11.55 часот, со почеток од пред Собрание на РМ ќе се одржи „Марш против сиромаштија“, кој ќе продолжи со „Концерт за достоинство“, во организација на Сојузот на здруженија на граѓани – Македонска платформа против сиромаштија и неформалната граѓанска иницијатива 8-ми Септември. Датумот избран за нашиот настан е чиста коинциденција и не е точно дека „е планиран намерно за во сабота денот кога ќе се оддржи конвенцијата за претседателски кандидат на владеачката ВМРО-ДПМНЕ“, како што е наведено во текстот кој го демантираме.

 

На настанот ги покануваме сите граѓани, без разлика на нивната етничка, верска, партиска, или друга припадност, со цел да придонесат во борбата против сиромаштијата.

 

Очекуваме дека овој демант ќе биде објавен и Ве покануваме да известите директно од настанот.

Сиромаштијата не засега сите.

 

Изјавил

Сашко Јованов

Генерален секретар

Македонска платформа против сиромаштија

 

 

Не се работи за сиромаштија, се работи за достоинство

„Тоа што не притиска е немаштијата … дури ни прави селекција, не изобличува самите себе си, понекогаш не се познаваме … што сме имале и до каде сме дојдени”            

Ситуацијата во Македонија е алармантна. Голем дел од граѓаните се хранат со продукти кои се најефтини, бидејќи само нив можат да си дозволат да ги купат, притоа воопшто не земајќи го во предвид нивниот квалитет.  Многу од нив живеат во лоши услови, често и под основните стандарди за нормален живот

„И културата е неопходна и потребна. Духовна надградба. А да се прашам кога последен пат сум била во театар, кога сум си дозволила … кога сум си дозволила на кино да идам последен пат … тоа е исто духовна потреба, никако поинаку. И не е само храната потреба … да потребно е … сите треба да јадеме … но има и други вредности во животот кои сме ги негувале како личности.“

За жал, за дел од граѓаните одењето во театар или во кино често претставува луксуз

Да зборуваме во името на оние кои немаат глас …  Достоинствен живот за секој граѓанин#5до12

……………………………………………………………………………..

 Пренесените изјави се зборови на учесниците на осумте фокус групи, реализирани од 17 до 26 декември 2012 година, во градовите Берово, Свети Николе, Струмица, Неготино, Прилеп, Битола, Тетово и Скопје, реализирани со цел да се одредат индикаторите за минимален достоинствен приход во Република Македонија. Анализата од фокус-групното истражување покажа дека главните индикатори за достоинствен живот според приоритетноста на ниво на Република Македонија се:

1.Трошоци за струја, вода, греење ;

2.Храна;

3.Образование;

4.Облека и обувки;

5.Лекување;

 6.Општествен и културен живот

 

Затоа што е пет до 12!

Излези на марш против сиромаштијата, која е секоја година се поголема.

Излези на марш, за да бидеш достоинствен.

Секој трет граѓанин живее под работ на сиромаштијата. Тоа не е маргинална бројка!

Излези, затоа што во Грција, Албанија, Србија, Бугарија, БиХ, Хрватска и Словенија просечната плата е поголема од Македонија.

Излези, за да направиме притисок, за да си го вратиме достоинството.

Излези, затоа што вредиш повеќе од споменик.

Излези, затоа што животот треба да ти биде полесен.

Марширај против сиромаштијата, затоа што сметките за струја, вода и телефон се поголеми од минималната плата.

Крени го гласот за социјална правда. Крени го гласот, затоа што живееш во земја на социјална неправда.

Крени го гласот затоа што невработеноста се решава со бришење од евиденцијата за невработени.

Крени го гласот, затоа што бројот на семејства приматели на социјална помош за последните осум години е намален за речиси половина.

Крени го гласот, затоа што многу луѓе денот го преживуваат со помалку од 20 денари на ден.

Крени го гласот, затоа што преку 200.000 сметки се блокирани.

Крени го гласот, затоа што извршителите немаат милост!

Крени го гласот, затоа што родителите се среќни кога младите ја напуштаат татковината.

Марширај, затоа што ти се ускратени работничките права, затоа што жолтиот синдикат не те штити тебе, туку Владата.

Марширај, затоа што казните се поголеми од платите, затоа што не си роб на работодавачите.

Дојди со нас, затоа што заедно сме посилни.

Дојди со нас, затоа што од тебе зависи.

Подај ја твојата рака на социјалците, стечајците и сиромашните, солидаризирај се.

Дојди со нас, затоа што за тебе се работи!

Дојди со нас, затоа што социјалната помош мора да биде поголема, затоа што лековите за сиромашните мора да се бесплатни.

Треба да бидеш со нас, затоа што децата од сиромашните семејства мора да имаат полесен пристап до времени вработувања.

Дојди со нас, затоа што е пет минути до 12 за сите ние да направиме нешто за себе.

Пет до 12 е да го кренеме гласот против сиромаштијата. 

Дојди со нас, затоа што е пет до 12, за да се избориме за достоинствен живот.

На 1 март, сабота, во 11:55 биди пред Собранието, до паркот “Жена-борец“, ќе маршираме до Владата на Република Македонија. Ќе испратиме силна, јасна и гласна порака: државата постои за да им служи на луѓето. Потоа ќе одиме на Јадран Сквер на концертот за достоинствен живот. Таму ќе бидеме свои на своето, таму достоинствено, сите заедно ќе го кренеме гласот против сиромаштијата, за подобар живот. Те чекаме да дојдеш заедно со своите роднини, другари и пријатели.

Кога ако не сега?! Кој ако не ти?!

За тебе се работи!

Учествувај, поддржи и сподели, затоа што е пет до 12, а од тебе зависи!

 

Џелал Хоџиќ- Џељо

Зошто Марш против сиромаштија?

Нé прашуваат зошто сме се одлучиле да организираме Марш против сиромаштија

Одговорот е многу едноставен, затоа што граѓаните имаат потреба од тоа. Овој настан ги повикува да се приклучат и да ја подржат иницијативата сите оние кои живеат во сиромаштија, но и оние кои сакаат да застанат на страната на народот и да зборуваат во името на оние кои немаат глас

Нé радува и тоа што граѓаните почнуваат да прашуваат „зашто треба да излезат“, а не инструирано да се движат по маршови за оваа или онаа тема.

Ние преку овој марш сакаме да покажеме дека граѓаните живеат се полошо и полошо, дека ниту една влада досега не придонела за унапредување на нивниот квалитет на живот. Дека статистиките кои ни ги презентираат за економски раст и раст на социјалните трансфери не се реални, граѓаните живеат во беда и сиромаштија. Воедно, сметаме дека сите претходни биле успешни и добри настани затоа што секое излегување на народот на улица значи и кревање на гласот за подобар живот. 

Затоа  ве повикуваме тебе и сите твои пријатели да дојдете и да им помогнете на оние кои немаат глас да си ги побараат правата. И за тебе се работи.

Учествувај, поддржи, сподели! Затоа што е #5до12

 

 

Социјална држава или држава на социјална неправда

Според Уставот, Македонија е социјална држава, а во пракса е држава на социјална неправда, за жал, во пракса, таа е земја на социјална неправда. Социјалниот систем е нефункционален и мора да претрпи коренити промени во интерес на граѓаните и сиромашните – изјави денеска Џељо Хоџиќ.

Граѓанската иницијатива 8 Септември веќе достави барање до ЗЕЛС, во кое се бара општините да обезбедат бесплатен јавен превоз за социјално загрозените семејства и да ги превземат сметките за вода и комуналии за овие семејства.

Извор: а1он.мк